Atletico Madridi ka arritur marrëveshje me Paris Saint-Germain për transferimin e mesfushorit ofensiv koreano-jugor, Kang-in Lee.

Sipas ekspertit të transferimeve Fabrizio Romano, marrëveshja kap vlerën e rreth 40 milionë eurove, duke përfshirë edhe bonuset, shkruan Arbresh.info.

Lojtari do të nënshkruajë kontratë pesëvjeçare me klubin madrilen. Edhe kushtet personale mes palëve tashmë janë dakordësuar.

Transferimi konsiderohet praktikisht i mbyllur dhe zyrtarizimi pritet të vijë shumë shpejt.

Ndërkohë, Atletico Madridi nuk e ka mbyllur ende merkaton. Objektivi i radhës i klubit spanjoll mbetet mesfushori danez Morten Hjulmand, të cilin drejtuesit e “Los Colchoneros” synojnë ta transferojnë gjatë kësaj vere.

Atletico kohë më parë ka zyrtarizuar edhe transferimin e Alejandro Grimaldos, i cili luan mbrojtës i majtë./Arbresh.info